Saturday, September 2, 2017

迫害2 (下)

迫害2 (下)

上回結尾 迫害2 (上) 新的宇宙風暴又無聲的慢慢到來. 咁次係咩?

Angel走左, 老板心心不忿. 話投資左幾皮美金, 一定要找條水魚(新投資者).

到2015 九月時份,老板得知政府某部門有新project比公衆競投,但係project要求非常抽象。 内容大約為要做一個圖來表達數字。 那部門說寫到這樣抽象, 係想比大家空間,自由發揮。   於是大家在一個月裡合力做呢個Demo. 因為要用圖,所以我就用了最流行而又係open source 的library 叫做d3.js .

一開始老板就問,那個做d3部份?個pm就話,當然係你啦(即係小弟), 我實在冇得推,因為全公司得我一個会寫,会看得明d3 syntax,因為佢係由JavaScript寫成,同Java很不同。而我下面的新programmer還不成氣候,還要幫老板做businese的工作。而我上面的高級developer就同我講,“javascript 我真係看不明!d3靠你(小弟)了。重任100%又落在我身上。

各位看到這裡,是否覺得我公司非常危險呢!如果有一天我辭職,呢間公司会怎樣!?        高級Developer, pm, 佢到每個人都係年新十萬美金呀大佬!pm用眼做野,而高級developer就係A字肩。

說回正題。在這一個月裡面,老板一如以前,每星期要睇demo, 睇完之後又要改,直到最後一個星期,我已經有火。就在project submit 前一日,我就情假,還要在早上出email. 一於唔鬼理佢地。第二日回來,我問個project 怎樣,佢到話submitted. 後來個Pm 話我知,老板在我放假早上,還想改個d3 website . 不過Pm 話佢壓任老板,不要再改。因為實在冇多餘時間,又要做幾份documentations, 就後佢地到做documentations 都要通頂。而通頂完,老板又再沾沾自喜話:“好開心呀,幾個同時夾手夾腳,通頂完成” 。當然係冇OT 錢。而"我"有冇比老板炒呢?當然冇啦,我想老板應心裡有數。而呢個project submitted最後怎呢?一個月過去,兩個月過去,半年過去。個部門的website乃然没有任何公佈,後來從小道消息得知,呢個部門已經冇budget,而呢個project leader都走了,但又没有update佢地個website. 老板的美夢又一次落空。 當然又係那句,一個風暴消失,係為了prepare下一個更强勁風暴來臨!

18 comments:

  1. Replies
    1. 呀仔剛剛入大學,起碼仲有個老板幫手交學費

      Delete
  2. 睇返你兩年前的 「迫害一」 總資產係3.8M,而家😱

    ReplyDelete
    Replies
    1. 當然選擇楷权已在我手。呢樣野老板係5知到。

      Delete
    2. This comment has been removed by the author.

      Delete
    3. 勁兄指出「財務自由」的意義了,只是很多人仍在說財務自由后人生冇意義,哈哈!

      Delete
  3. 你不如考慮動用財自系統la, 跟無理變態老闆 say goodbye

    ReplyDelete
    Replies
    1. 我是一個普通過普通的香港打工仔, 用20年儲蓄, 嘗試去變成1千萬. 呢個BLOG就係一個記錄. 答案會有3個, 成功(財務自由), 失敗(打死一世工), 打和(打死一世工)~~ 答案是你已經成功了, 可以考慮提早收山, 我和自由一千萬禪師都撐您

      Delete
    2. 唉,此老板真難服侍。。。幸好你已成功勁贏1500萬,看來涯世界心態可改。。。真係頂唔順時可以跟佢SAY GOODBYE。。。事實上寫程序投標食腦的飯真不易。。。

      Delete
    3. 其實打工就係咁,咩行業都一樣,如果你做老板,你都會係咁。呢個係千古不變既定律黎。我好似睇得好化,其實一D都唔化,我之前都差D因為工作問題攪到精神出現問題。

      Delete
  4. 勁嬴兄老細真係要求多多, 但唔俾錢!

    ReplyDelete
    Replies
    1. 中國有句說話,叫刀仔鋸大樹。而我呢個老板,我会這樣形容,"牙签鋸森林", 妙想天開。又成日show off ,"今個星期六日,又被人請食飯". 成白以此為榮。黑人僧的嘴臉。

      Delete
  5. 以勁嬴兄的能力,轉份人工低啲既工,加上利息收入,唔會影響到全家既生活質素,真係可以積極考慮

    ReplyDelete
  6. 直頭唔做啦, 人生而自由, 何解人愈大愈多枷鎖?

    ReplyDelete